يوسف ومشواره في حماية جهازه واولي الخطوات في امن المعلومات
النهارده بمشيئة الله بعد الصلاة والسلام علي رسول الله هنكمل رحلتنا مع يوسف، اللي بدأ يكتشف عالم الكمبيوتر من أوله، وفهم المكونات الأساسية للجهاز، وبدأ ياخد خطوات عملية كمان.
لو أول مرة تتابع، ارجع للمقالة الأولى هتعرف يوسف بدأ منين، وعاش مع المدرس واستاذه تجربة حقيقية تعلم فيها بطريقة بسيطة وسهلة من خلال مدونة العقل الرقمي.
وصلنا في الحلقة اللي فاتت عند نقطة مهمة جدًا، واللي كانت بداية حقيقية لسؤال بييجي في دماغ أي حد:
هو جهازي ده ممكن يتعرض لخطر؟ ولو آه، كيف ممكن احميه بسهولة ؟
وهنا نبدأ تكملة الرحله مع يوسف .
بداية الادراك ولحظة البدء:
يوسف راجع بيته بعد ما طبق التمرين اللي المدرس طلبه منه، وبدأ يشوف مواصفات جهازه بنفسه زي ماارسلناله الطريقه في المقاله الاولي لو هترجعلها ايها القاريء الان قبل ماتكمل المقاله دي عشان تعيش الرحله من اولها .
المهم نكمل ، أول مرة يحس إنه مش بيستخدم الجهاز وخلاص، ده بقى بيكتشفه.
لكن وهو بيقلب، ظهرله إشعار كده في الركن:
"التحديثات متوقفة – بعض الميزات قد لا تعمل"
يوسف حس إنه لازم يسأل المدرس.
تاني يوم، راحله وقاله:
– يا أستاذ، هو الجهاز لو ما حدثتوش ممكن يحصل له مشكلة ؟
رد عليه المدرس وقاله:
– طبعا يا يوسف، التحديثات مش بس شكل جديد، التحديثات دي ساعات بتكون عشان يقفلوا باب ممكن حد يخشلك منه وبصراحة الاجابة بتاعت استاذه اسعدت يوسف كثيرا .
يوسف سأل المدرس يعني ايه حماية ؟
المدرس بدأ يشرح له:
– فيه ناس ممكن تحاول تدخل على جهازك تسرق ملفات، أو تتحكم فيه، أو حتى تبوظه، وإنت مش واخد بالك.
– وعلشان كده لازم تكون عارف إزاي تحمي جهازك بخطوات بسيطة حتي لايتم اختراقك .
الخطوات الاولي لحماية الجهاز من الاختراق :
يوسف كتب في النوتة بتاعته:
لازم أخلي الجهاز دايمًا محدث، وما أجلش التحديثات.
أستخدم برنامج حماية كويس (Windows Defender كبداية كويس اللي بيجي مع الويندوز).
ما افتحش أي رابط بيجيلي من شخص مش أعرفه.
ما نزلش برامج غير من الموقع الرسمي.
أحط كلمة سر قوية للجهاز.
التمرين العملي :
المدرس قاله:
– هديك شوية مهام كده، عاوزك تعملهم، وتعالى بكرة قولي حصل معاك إيه.
المطلوب من يوسف:
افتح Windows Update، وشوف آخر تحديث نزل امتى.
Yousef@2024! أو حاجة شبه كده).
متعة التعلم واحساس جميل بدأ يوسف يشعر به :
يوسف وهو بيعمل التمارين دي، حس إنه بقى مسؤول أكتر عن جهازه، وإنه مش مجرد مستخدم، لأ ده بقى شخص فاهم إن فيه خطر، ولازم يكون مستعدله.
حوار دار بين المدرس ويوسف
– يوسف: يا أستاذ، طب لو في فيروس جه، الجهاز هيقولي؟
– المدرس: ساعات يقولك، وساعات لأ، علشان كده مهم إنك تعمل فحص دوري، وما تعتمدش بس على الإشعارات. ، يوسف شكر استاذه واكمل الدرس معه بسعادة .
تشجيع يوسف وتكليفه ببعض المهام :
– المدرس: يوسف، إنت كده بدأت أول خطوة حقيقية في عالم الحماية.
الخطوات الجاية هتكون أكبر، وهنبدأ نفهم إزاي نعرف نوع التهديد، ونتعامل معاه ازاي .
مستعد يايوسف ؟ ، نعم مستعد يااستاذ.
وفي ختام الدرس :
يوسف مشي من المدرسة، بس المرة دي وهو شايل في إيده ورقة فيها تعليمات، وفي قلبه حماس كبير وقال لنفسه:
"أنا مش هسيب جهازي معرض للخطر… لازم أكون عارف كل حاجة عنه"
وقبل ما يودع المدرس، قاله: أنا بجد بدأت أحب العلم ده، ومش ناوي أوقف، وهتابع كل المقالات في العقل الرقمي.
وانت كمان لو وصلت معانا لحد هنا، شاركنا في التعليقات:
– إيه أكتر حاجة جديدة عرفتها؟
– هل فتحت التحديثات عندك؟
– عملت الفحص؟
– كتبت كلمة سر جديدة؟
استنونا في المقال الجاي، وهنكمل مع يوسف مشوار الحماية، وهنتكلم عن أنواع الملفات الخبيثة، وإزاي نعرف نحمي بياناتنا قبل ما تقع.
ربنا يوفقنا جميعًا، ونفيد بعض زي ما اتفقنا.
– وشير في الخير والدال علي الخير كفاعله
والسلام عليكم ورحمة الله وبركاته
