بداية رحلة العقل الرقمي مع يوسف وكيف بدأ المهمة
يوسف كان بيعيش في قرية من القري بعيدا عن المدينة ، وكان اغلب الناس معندهمش فكر
التكنولوجيا زي اهل المدينه ، المجتمع نفسه كان فقير الحال وعايش كل واحد في حاله بعيد عن الانترنت والواقع الحالي
المتسارع ، دخل يوسف المدرسه وشاف في
المدرسة جهاز كدا مش عارف اسمه ايه ، سال المدرس بتاعه هو ايه ده يااستاذ قاله دا
كمبيوتر ، قاله يعني ايه كمبيوتر ، قاله ان ربنا يسر العلم عن الناس واعطي لبعض
الناس فكرة ازاي يخلي كل الورق والبيانات اللي بتتعمل بشكل يدوي ده علي الجهاز الكمبيوتر ده ، وكمان الناس تقدر
تكلم بعضها لو انت هنا بالقرية وليك حد مثلا في امريكا تقدر تكلمه بس بشرط ان
جهازك يوصل علي الانترنت ، سأل المدرس يعني ايه انترنت ، والحديث بقه كتير جدا
والمدرس عجبه شغف يوسف ونظرله نظره مستقبليه وقاله مادام انت يايوسف حابب تتعلم
انا همشي معاك وهفهمك وهديك حاجات تتعلمها ومدونه اسمها العقل الرقمي ، المدونة دي
ميزتها انها بتحكي زي مابنحكي انا وانت مع بعض كدا بدون تكلف او مصطلحات علمية
كبيره ، بتديك المعلومه في شكل قصة او رواية وتمشي معاك خطوات عمليه
ايه رايك ياايوسف ؟؟
قاله ممتاز يااستاذ انا متشكر ليك جدا والله ، وبالفعل المدرس اعطي ليوسف المدونه
وفهمه ازاي يدخل عليها وفهمه ازاي يوصل انترنت وقاله كل يوم في الوقت الفاضي بعد
المدرسه تيجي تفتح الجهاز وتتعلم من خلال الرابط ده وثبتهوله علي الجهاز
اول لقاء ليوسف مع المدونه وكلام استاذه اللي حفر في دماغه
بالفعل يوسف روح وكان مبسوط جدا وقال قد ايه العلم بيتطور والواحد ممكن يفيد نفسه ويعلم الناس بعد كدا ويكون خير و نفع للناس ويطبق عليه حديث النبي صل الله عليه وسلم " خير الناس انفعهم للناس "
المهم يوسف جه تاني يوم وبدأ يتصفح المدونه بس جه في باله اسئله كتير قبل مايقراها لقاها بالفعل في المدونه ، كان بيقول انا نفسي الاقي في المدونه اللي قالي عليها الاستاذ كل حاجه بس من البداية بدون تعقيد وكدا ، وبدأ يقرا هو جهاز الكمبيوتر ده بيتكون من ايه اصلا وليه ساعات وانا شغال عليه بيهنج مثلا او يفصل مني ، ودا كان اول شيء قراه بالفعل بالمدونه
جهاز الكمبيوتر بيتكون من ايه بالظبط
يوسف كتب مكونات جهاز الكمبيوتر بنفسه وكان عنده شغف كبير بكدا
لاقي جهاز الكمبيوتر ده متكون من حاجه كدا الانسان اخترعها فيها مخ وفيها حاجه للتخزين وفيها معالج للعمليات اللي بتتم وفيها ذاكره ، المهم كل الحاجات دي بتندمج مع بعض في نظام تشغيل واحد اسمهoperating system
وبدأ يوسف يعرف ايه الاجزاء بتاعت الكمبيوتر واسمها ايه ووظيفتها ايه بالظبط ، عشان كدا يوسف بدأ يركز اوي وجاب نوت بوك وكتب فيه الكمبيوتر بيتكون من :
1 – معالج واسمه CPU
والمعالج ده وظيفته انه بيحلل ويعالج
البيانات كلها ودا اساس الكمبيوتر عشان كدا بيطلقوا عليه المخ الرئيسي
تاني شيء كتبه .
2- وهو المكون التاني الرام RAM
دي هي الذاكره المؤقته ، عارف اي حاجه بتشغلها علي الجهاز بتكون موجوده داخل الذاكره المؤقته دي بس بمجرد تقفلها خلاص بتروح منك لو انت محفظتهاش بعد كدا .
3- تالت حاجه اتعلمها يوسف وهو المكون رقم 3 الهارد ودا فيه نوعين :
-HDD
-SSD
والهارد HDD : ده بيكون من النوع الميكانيكال اي
بيتم الشغل عليه بطريقه ميكانيكية ودا بيكون اقل بالاداء من التطوير اللي حصل بعد
كدا للهاردات.
النوع التاني اللي هو SSD : دا نوع بيعتمد علي الالكترونكس كأيونات كهربائيه ودا سرعته وادائه
عالي جدا مقارنه بالهارد الميكانيكي
4- وبعدها عرف المكون الرابع المسؤول عن عرص الصور والفيديوهات واللي هو كارت الشاشه GPU
5- وبعد دا كله عشان يشتغل الجهاز بيتم
ربط كل المكونات دي مع بعض داخل نظام التشغيل سواء بقه نظام الويندوز او الماك او
الانواع اللي هنعرفها بعد كدا
بس يوسف اكتفي النهارده بالدرس ده وحس اد ايه انه كان في ظلام دامس من الجهل
العرفي اللي كان فيه
وبعد ماعرف كل ده
المدرس قاله يايوسف هديك النهارده شغل عملي تعمله بنفسك وتقولي عليه لو وقف قصادك
اي حاجه
واتفق معاه علي كدا
تطبيق عملي المدرس اعطاه ليوسف عشان يختبره في الدرس
والسؤال العملي هو:افتح جهازك واعرفلي مكونات او مواصفات جهازك
عن طريق (System Information أو dxdiag)
وانا هصورهالك كمان اهه
وشوف لو وقف معاك حاجه او معرفتش قولي وانا هساعدك فيها
وعاوزك يا يوسف تركز لان دا يادوب اول حاجه بسيطه بعد كدا هقولك ازاي تحمي جهازك خطوة خطوة وازاي تعرف انك محمي ولا لأ؟
انتهاء اخر الدرس وتوديع يوسف من استاذه
يلا يايوسف اشوفك علي خير
ومشي يوسف بس بس قبل ماايمشي قال لاستاذ عارف يااستاذ انا حبيت اسلوبك جدا وحبيت المدونه اللي بتشرح بالشكل ده وانا هنشر العلم ده فالدال علي الخير كفاعله
وانت ايها القاريء لو عجبتك بداية الرحله دي مع يوسف وعجبك الطريقه دي في السرد للقصه اكتبلنا ايه اكتر شيء استفدته وايه ملاحظاته وايه المتوقع منك في الشرح القادم ان شاء الله تعالي
وانا خادم لكم القصص والحلقات القادمة
