محمد والبرمجة ورحلته الشيقه مع العقل الرقمي والمدرس الجميل اللي مشي معاه خطوة بخطوة !

النهارده يااصدقائي هنتكلم علي موضوع جامد جدا ورحلة محمد في البرمجه وهنحكي زي ماعودناكم من البدايه للرحله الي نهايتها

فيلا نقول يلا بينا ، طيب يلا بينا

صليتوا علي الحبيب محمد صل الله عليه وسلم ولا لسه

اللهم صل وسلم وبارك علي سيدنا محمد

المهم الصلاة علي النبي قبل كل شيء هتفتحلك الخير كله ، ونكمل كلامنا محمد كان شغوف بالتكنولوجيا جدا ولكن كان في عقبه مفكرها صعبة جدا وهي البرمجة ولقي في يوم من الايام شاب بيكلم الكمبيوتر وبيكتب اكواد والكمبيوتر بيرد عليه فاستغرب اوي وقال في نفسه هو ينفع فعلا اكلم الكمبيوتر ، وبحث علي الانترنت عن ازاي يبدأ برمجة ولقي ناس كتير بالفعل بتتكلم علي البرمجة وايه اللغات اللي  تبدأ بيها وحس الموضوع كبير وخاف وقلق لحد ماالمدرس بتاعه ذات يوم اتكلم معاه عن شغفه في البرمجه وعاوز يكون مطور ويب وابليكيشن ويعمل شغل عالمي بس محبط ومتعقد من المصادر اللي لقاها صعبة جدا علي الانترنت

تطمين المدرس لمحمد في تعلم البرمجة بكل سهولة 

فالمدرس اما لقي اصراره قاله بص يامحمد مش عاوزك تحبط ابدا وقاله قاعده " الانسان عدو مايجهل " ، يعني  يامحمد اي حاجه انت مش متعود عليها تحس انك ضدها بل عدو ليها كمان ، الناس اللي انت شايفهم بيكلموا الكمبيوتر عادي ومستسهلين الموضوع كانوا قبل مايتعلموا البرمجه كان الموضوع صعب فعلا عليهم  لكن  بعد مابدأوا وأخطأوا وأتعلموا من أخطأهم الموضوع بقه سهل جدا ولذيذ كمان ، فمتقلقش يابطل وانا معاك خطوة بخطوة

رحلة محمد مع  المدرس في تعليم البرمجه

المدرس نصح محمد و قاله بص يابطل مادام انا شفت فيك الاصرار هقولك علي مدونة جميله هتساعدك فعلا  وتابع شروحتها في البرمجه هتمشي معاك في شكل روايه او قصه اكنك بتحكي معايا بالظبط بحيث تبعد عن الناس المعقده وتشرب الكود شرب وتتمزج كدا وانت بتقرأ ويبقي عندك شغف كبير لكل حلقة جاية اتفقنا قاله اتفقنا يااستاذي الغالي

وبالفعل اعطاه المدرس اسم المدونة وهي العقل الرقمي وقاله هتلاقي عليها شروحات تقنيه لكل الاقسام ادخل وشوف القسم اللي هتستفيد منه سواء ذكاء اصطناعي ، برمجه ، تقنية ، تكنولوجيا بشكل عام هتلاقي اللي قلبك يحبه وكل موضوع في تصنيفه يامبرمجنا المستقبلي

اعجاب محمد بالمدونة وشكره لاستاذه 

محمد عجبه كلام المدرس ودخل فعلا علي المدونة  وشكر المدرس جدا ، وبدأ الرحله  بالفعل ، محمد لقي انه عشان تكلم اي انسان لازم تكلمه بلغته فعلا عشان يفهمك ، بس بتختلف من انسان لاخر ، بمعني انا لو قلت لواحد زميلي من نفس جنسي ولغتي اطبعلي الورقه دي هيطبعها لانه فاهمني ، لكن لو قلت للكمبيوتر كدا اطبعلي كلمه محمد مش هيفهمني اصلا بس لو قلتله

("!أهلا يامحمد")print

ساعتها هيفهم الكمبيوتر الكلام وهيكتبلك ويرد عليك أهلا يامحمد.

لان الكمبيوتر بيفهم اللغه اللي انت هتحدثه بيها زى بايثون او غيرها من اللغات الكتير اللي هنتكلم بها بعدين ،المهم محمد قال دا الموضوع لذيذ وخد الخطوة الفعليه والعمليه للتطبيق

التطبيق العملي لمحمد علي البرامج االمجانية

محمد قرر يتعلم بالتطبيق العملي
لقي في المدونه موقع للتدريب ويقدر يسجل فيه مجاني اسمه replit.com
سجل في الحساب
اختار create repl
اختار لغة python من القائمة
فتح له المحرر وكتب بالفعل

("!انا بدأت اول خطوة في تعلم البرمجة")print

وعمل run ورد عليه الكمبيوتر انا بدأت اول خطوة في تعلم البرمجة.

وكان محمد سعيد جدا فوق الخيال وعنده شغف يكمل ، وقال طيب انا عاوز بقه الكمبيوتر يعملي عمليات حسابيه  زي الجمع والطرح والقسمه ، فالمدرس قاله طول بالك يانجم عاوزك متستعجلش البرمجة دي زي الطبخه وانت لسه بتتعلم زي الطفل اللي بيحبي خطوة خطوة

المدرس واختباره لمحمد باعطائه تمارين عشان يدرب نفسه عليها 

وبدأ المدرس يديله بعض التمارين اللي يكتبها بحيث يتدرب عليها
 تمرين 1: اطبع اسمك

("اسمي محمد، ودي أول تجربة برمجية ليا")print

 تمرين 2: اطبع جملتين ورا بعض

("أنا بحب أتعلم")print

("البرمجة ممتعة جدًا")print

 تمرين 3: غيّر الجمل وجرب تطبع حاجة من دماغك

("أنا هكون مبرمج محترف بإذن الله")print

 تمرين 4: اكتب جملة فيها علامات تنصيص داخل الطباعة

("قال لي المدرس: \"ابدأ من أبسط حاجة\"")print

محمد بدأ يلاحظ إن أي حاجة غلط بتخلي الكود ميرضاش يشتغل… زي لو نسيت علامات الاقتباس، أو كتبت الكود بلخبطة.

المفاهيم اللي لازم محمد ياخد باله منها وبالفعل ركز عليها عشان ميخطأش او يكتب الكود مش بشكل صحيح 100%

لازم الكود يبقى مكتوب بدقة، لأن الكمبيوتر بينفذ حرفيا بالظبط كل حرف 

أي خطأ صغير بيظهرلك Error.

print = أمر الطباعة على الشاشة.

كتب على ورقة:

"الكود زي الطبخة… لو نسيت مكون بسيط، الطبخة هتبوظ خالص مني !

ملاحظات المدرس لمحمد 

 

لو الكود مدّاك Error، متقلقش… ده طبيعي! ، راجع تاني ومتيأسش هتبقي نجم النجوم / استمر يابطل .

جرب تفهم السطر اللي كتبته، وابحث عن سبب الخطأ براحة وخطوة خطوة  وانا معاك لو وقفت في حاجه اكتب بس في التعليقات متشلش هم .

كل خطأ هو خطوة لقدام لاتيأس انا معاك وربنا معانا قبل كل شيء .

نصيحتي للقاريء العزيز 

لو انت مكان محمد:

1. ادخل على Replit أو Programiz او اي برنامج عادي 
2. جرّب تكتب أول 3 تمارين بنفسك ولو اخطأت في شيء جرب فين الخطأ وصلحه لو وقفت في حاجه ومعرفتهاش بعد محاولاتك اكتب بالتعليقات واحنا هنساعدك يابطل الابطال .
3. غير النص… خلي الكود يعبر عنك ، عاوزك تبدع ولايهمك .

لو بالفعل نفذت التمارين اكتب في التعليقات وشجع غيرك وشير للمقال كمان واكتب واعتز بنفسك

" انا كتبت اول كود ليا وكانت النتيجه كذاااااا........ ، او اكتب اي جملة تعجبك .

ها مستني الحلقة الجاية ولا لأ بصراحة 

ازاي تخلي الكمبيوتر يفكر معاك ، او لو انت عندك شغف بطلب معين قولي وانا اساعدك ولايهمك 

انت تأمر واحنا ننفذ ، احنا ماشيين بمبدأ خير الناس انفعهم للناس كما قال النبي محمد صل الله عليه وسلم 

شارك تجربتك بكل صراحة 

إيه أكتر حاجة فعلا حسيت انك استفدت واتعلمت منها ؟

كتبت كود بايدك فعليا ولا لا ؟

مستني تعليقاتكم وارائكم ، في حفظ الله ورعايته 

تعديل المقال